នេះជារឿងមួយដ៏ភ្ញាក់ផ្អើលខ្លាំងមែនទែន ដែលយើងគ្រប់គ្នានឹកស្មានមិនដល់ ខណៈដែលតារាចម្រៀងកំពូលទើស លោក ម៉ៃ សុគន្ធ បានឆ្លើយសំណួរ នៅក្នុងបទសម្ភាសន៍កម្មវិធីទូរទស្សន៍មួយថា «តើតារាមួយណានៅស្រុកខ្មែរ ដែលអ្នកស្អប់ខ្លាំងជាងគេ?»។
ឆ្លើយនឹងសំណួរដ៏ចាក់ដោតនេះ លោក ម៉ៃ សុគន្ធ ឆ្លើយថា តារាដែលលោកមិនស្អប់ តែអត់ចូលចិត្តបំផុតនៅក្នុងស្រុកខ្មែរមានតែម្នាក់គត់ ហើយបើឮបិទចោលតែម្ដងនោះ គឺលោក ខេមរៈ សិរីមន្ត។
នៅពេលចោទសួរថា តើមកពីមូលហេតុធ្លាប់មានបញ្ហាបុគ្គល ឬ យ៉ាងណា? លោកឆ្លើយយ៉ាងខ្លីត្រង់ៗថា អត់មានទេ តែជាអត់ចូលចិត្ត ព្រោះថាចិត្តស្រឡាញ់របស់មនុស្សខុសៗគ្នាប៉ុណ្ណោះ ដោយអ្នកខ្លះស្រឡាញ់ ស៊ិន ស៊ីសាមុត អ៊ីចឹងទៅ ។ ប៉ុន្តែ សម្រាប់រូបលោកផ្ទាល់ តារាស្រឡាញ់ជាងគេបំផុត គឺលោក ព្រាប សុវត្ថិ៕
