ពូម៉ូតូឌុបម្នាក់ ដែលគេស្គាល់ច្បាស់ថាជាមនុស្សម្នាក់គួរឲ្យគោរពស្រឡាញ់ ស្លូតបូត និយាយពាក្យសម្តីគោរពសូម្បីតែជាមួយក្មេងៗ ត្រូវចោរប្លន់ស្លាប់យកម៉ូតូពេលយប់នៅវាលស្រែស្ងាត់ បានកំពុងធ្វើឲ្យមនុស្សជាច្រើន បានសម្តែងនូវក្តីអាណិតអាសូរជាពន់ពេក និងផ្ទុះកំហឹងទៅនឹងចោរយ៉ាងខ្លាំងក្លាបំផុត។
នេះបើតាមគណនីហ្វេសប៊ុកឈ្មោះ ស៉ឹង ភក្ដី នៅវេលាម៉ោង ៩ ព្រឹកថ្ងៃទី២២ ខែមិថុនា ឆ្នាំ២០២០ បានបង្ហោះរូបភាពពីទិដ្ឋភាពសពពូម៉ូតូឌុបឈ្មោះ យុន ត្រូវបានចោរសម្លាប់នៅក្នុងទឹកស្រែក្បែរផ្លូវ និងសរសេររៀបរាប់ទាំងក្តីស្រណោះអាណិតអាសូរថា៖ «គាត់ស្លាប់ហេីយ កំពូលអ្នករត់ម៉ូតូឌុបនៅឃុំច្រេស ដល់ទីណាក៏គាត់ទៅដែរ គាត់ជាមនុស្សសុភាព សូមបីតែនិយាយជាក្មេង ក៏គាត់ដោះមួកនិយាយជាមួយ និយាយរួមពាក្យសម្ដីដែរគាត់និយាយគឺផ្អែមតែម្ដង ស្រណោះពាក្យសម្ដីដែរនិយាយសួរខ្ញុំណាស់ពូ (លោកគ្រូអញ្ជេីញទៅណា លោកគ្រូពិសារបាយនៅ លោកក្មួយសុខសប្បាយជាទេ )អ្នកដែរស្គាល់គាត់គឺដឹងហេីយ (សោកស្ដាយណាស់ពូ យុន)គាត់ស្លាប់ដោយសារចោរប្លន់ នៅចំនុចភូមិចំបក់ជ្រុំ ឃុំច្រេស ស្រុកមេសាង ខេត្តព្រៃវែង» ។
ដោយឡែកនៅព្រឹកថ្ងៃទី២៣ ខែមិថុនា ឆ្នាំ២០២០ គណនីហ្វេសប៊ុកដដែលក៏បានបង្ហោះបញ្ជាក់ថា ចោរដែលបានប្លន់សម្លាប់ពូម៉ូតូឌុបខាងលើ ត្រូវបានសមត្ថកិច្ចចាប់ខ្លួនបានហើយ បន្ទាប់ពីស្គាល់អត្តសញ្ញាណតាមរយៈវីដេអូកាមេរ៉ាសុវត្ថិភាព នៅហាងមួយកន្លែង ដែលគាត់បានឌុបជនល្មើសចូល មុនពេលចាកចេញធ្វើសកម្មភាពប្លន់សម្លាប់ នៅឯវាលស្រែក្បែរកើតហេតុខាងលើ៕
ទស្សនាវីដេអូ => (VIDEO)
