កាលពីម្សិលមិញនេះ មហាជនបានប្រតិកម្មរិះគន់យ៉ាងខ្លាំងក្លាតែម្តង ទៅលើបទចម្រៀងបែបកន្ទ្រឹម «កន្តៀវស្រួយ» ច្រៀងដោយអ្នកចម្រៀងស្រីវ័យក្មេងឈ្មោះកញ្ញា បរ៉ាម៉ី ។ មូលហេតុដែលនាំឲ្យមហាជនរិះគន់ គឺដោយសារតែបទនេះ ពិបាកស្តាប់ខ្លាំងពេក ព្រោះថា ទាំងចំណងជើង និង Melody ទាំងស្រុង ចេញមក គឺបង្កប់ន័យស៊ីអារម្មណ៍ ពោលគឺវិលទៅវិលមក ទៅណាមិនឆ្ងាយពីរឿងអាសអាភាស ។
ទន្ទឹមនោះផងដែរ ជាមួយគ្នានេះផងដែរ តាមរយៈផេកហ្វេសប៊ុកឈ្មោះ HahahaSabay បានរិះគន់យ៉ាងចាស់ៗដៃថា៖ «មិចក៏ទៅជាឡប់លែងចេះខ្មាសអៀនអីចឹង? ចំណងជើងហ្នឹងមានន័យថាម៉េច? “កណ្តៀវអូនស្រួយ” ខ្លួនជាស្រីផង ហារច្រៀងកើតដែរ? វាគ្មានន័យក្នុងភាសាខ្មែរណាដែលត្រូវរៀបរាប់ពាក្យកណ្តៀវស្រួយ កណ្ដៀវរឹងស្អីហ្នឹងទេ ចេតនាអ្នកនិពន្ធគ្មានអីក្រៅពីចង់សំដៅទៅន័យគ្រលាស់ហ្នឹងឯង។ ឥឡូវខ្ញុំគ្រលាស់អោយអស់ ដើម្បីញ៉ុកអោយដល់កន្លើតអ្នកចម្រៀង។ (កញ្តៀវស្រួយ=កណ្តួយស្រៀវ), (កណ្តៀវអូនស្រួយ=កណ្តួយអូនស្រៀវ) យ៉ាងម៉េចដែរ? ខ្លួនជាស្រី កោដតែច្រៀងកើត។ បើខ្ញុំជាអ្នកចម្រៀង ខ្ញុំសួរអ្នកនិពន្ធភ្លាម ហេតុអីនិពន្ធបទបែបនេះអោយខ្ញុំច្រៀង? ខ្ញុំដាច់ខាតមិនច្រៀង! បើអ្នកមិនព្រមយើងឈប់រួមអាជីពជាមួយគ្នាទៅ។» ។
ដោយឡែក គណនីហ្វេសប៊ុកលោក Vann Saray បានបង្ហោះសាររិះគន់ទាំងហួសចិត្តដែរថា៖ «មិនដឹងជាអ្នកនិពន្ធអីគេទេ? វិលៗក្បែរហ្នឹងហ្មង! ពាក្យខ្មែរមានតែបាយស្រួយ ឬនំក្តៅស្រួយ ដល់ពេលកណ្តៀវស្រួយដូចជាមិនមានទេ។ មើលទៅមិនត្រឹមឱ្យគាត់បិទទេ គួរតែមានការពិន័យ ផង។» ។
ក្រោយពីមហាជនបានរិះគន់កាន់តែខ្លាំងទៅៗ ពេលនេះ ក្រសួងវប្បធម៌បាននិងកំពុងចាត់វិធានការក្តៅទៅបទចម្រៀងនេះហើយ ។ នេះបើយោងតាមទំព័រហ្វេសប៊ុក លោក ហេង ឡុង បានសម្តែងការហួសចិត្ត និងបញ្ជាក់ប្រាប់ដល់បងប្អូនមហាជនបានឲ្យដឹងថា៖
«បទ “កណ្ដៀវអូនស្រួយ” ទាល់តែចំណងជើងបែបនេះ ទើបអាចធ្វើឱ្យបទចម្រៀងល្បីមែនទេ?អរគុណដល់ក្រុមប្រឹក្សាពិន័យ និងលើកសរសើររបស់ក្រសួងវប្បធម៌ ដែលកំពុងតែមានចំណាត់ការដើម្បីស្នើសុំឲ្យលុបបទនេះចេញពីបណ្ដាញ youtube។»៕
