ជឿជាក់ថា បងប្អូនមហាជនមួយចំនួនធំ នៅចាំបានហើយ អតីតារាកំប្លែងស្រីវ័យក្មេងនៅក្នុងក្រុមនាយក្រឹមដែលល្បីខ្លាំងកាលពី១០ឆ្នាំមុន គឺនាង ក្អយ ដែលតែងធ្វើឲ្យទស្សនិកជនបានផ្ទុះសំណើចសប្បាយរីករាយ តាមរយៈការកំប្លែងរបស់នាងដែលពោរពេញដោយសមត្ថភាព បញ្ចេញសូរស័ព្ទស្រួយស្រែសចាក់ទឹកមិនលិចនោះ។
តែយ៉ាងណា បច្ចុប្បន្ន អ្នកនាង ក្អយ ត្រូវបានដឹងថា បានក្លាយជាជំទាវ និង រស់នៅយ៉ាងហ៊ឺហា ក្រោយបាត់មុខពីអាជីពកំប្លែងជាច្រើនឆ្នាំមកនេះ។ ហើយបើទោះបីមិនបានចាប់អាជីពជាតារាកំប្លែងដូចមុនក៏ពិតមែន តែអតីតតារាកំប្លែងដ៏មានវោហាស័ព្ទរូបនេះ តែងបង្ហាញមុខនៅក្នុងកម្មវិធីនានារបស់មិត្តភក្តិ និងពេលខ្លះ ស្រីអយ ក៏បានបង្ហាញមុខនៅក្នុងការងារសង្គមផងដែរ ។
ដោយឡែក ថ្មីៗនេះ អ្នកនាង ជួនចាន់រតនា ហៅក្អយ ក៏បានលេចមុខនៅក្នុងការលក់ផលិតផលតាមអនឡាញទៀតផង។ ហើយជាមួយគ្នានោះផងដែរ អ្វីដែលគេចាប់អារម្មណ៍ខ្លាំងនោះ គឺរូបសម្រស់របស់នាងបានប្រែប្រួលស្រស់ស្អាតខ្លាំង ខុសប្លែកពីអតីតកាលឆ្ងាយ១៨០ដឺក្រ ដែលមើលសឹងតែពុំស្គាល់តែម្តង៕
