ជឿជាក់ថា ប្រិយមិត្តជាច្រើន ជាពិសេសអ្នកស្នេហាវិស័យកីឡាប្រដាល់ បានស្គាល់ច្បាស់ហើយ កូនស្រីសំណព្វចិត្តរបស់អតីតកំពូលកីឡាករប្រដាល់គុនខ្មែរ អេ ភូថង គឺកញ្ញា អេ យ៉ានុត ដែលក៏អតីតកីឡាការិនីជើងខ្លាំងមួយរូបនៅប្រទេសកម្ពុជាផងដែរ។
យ៉ាងណាមិញ នៅព្រឹកមិញនេះ (ថ្ងៃទី០៩ ខែកក្កដា ឆ្នាំ២០២០) គឺជាថ្ងៃដ៏ពិសេស និងមានន័យបំផុតមួយ លោក អេ ភូថង និងភរិយារបស់លោក ខណៈដែលកូនស្រីជាទីស្រឡាញ់របស់អ្នកទាំងពីរកញ្ញា អេ យ៉ានុត បានភ្ជាប់ពាក្យហើយ បន្ទាប់ពីបានស្វែងយល់ចិត្តថ្លើមគ្នាជាមួយគូដណ្តឹងអស់រយៈពេលជាយូរមកនោះ។
គួរបញ្ជាក់ផងដែរថា កញ្ញា អេ រ៉ានុត បានបញ្ចប់អាជីពជាអ្នកប្រដាល់ អស់រយៈពេលច្រើនឆ្នាំមកហើយ បន្ទាប់ពីឪពុករបស់នាង លោក អេ ភូថង បានសម្រេចចិត្តឲ្យកូនស្រីបោះបង់អាជីពនេះ ស្របពេលនាងមានវ័យពេញក្រមុំ និងមានរូបសម្រស់ស្រស់ស្អាត ហើយក៏ត្រូវបានផលិតកម្មផ្សេងហៅថត និងសម្តែង៕
