មនុស្សយើងម្នាក់ៗ មានការវិវត្តន៍ខ្លួនទៅមុខជានិច្ច ទៅតាមវ័យ និងពេលវេលាដែលចេះកែកើនឡើងពីមួយថ្ងៃទៅមួយថ្ងៃ ដែលពុំអាចបញ្ឈប់បានឡើយ។ ទោះយ៉ាងណា មនុស្សមួយចំនួន ក៏បានរក្សាទុកនូវរូបថតតាំងពីវ័យកុមារ និងខ្លះទៀត ក៏បានត្រឹមអាចបន្សល់ទុកនូវរូបភាពអនុស្សាវរីយ៍ក្នុងវ័យជំទង់ ដែលទុកគ្រាន់តែបានមើលម្តងម្កាល នៅពេលខ្លួនចាស់ទៅផងដែរ។
ដោយសារក្តីរំភើបចំពោះរូបខ្លួនឯង អ្នកខ្លះក៏បានបង្ហោះចែករំលែករូបថតអតីតកាលរបស់ខ្លួន ដើម្បីឲ្យមិត្តភក្តិ និងក៏ដូចជាហ្វេនៗ នៅក្នុងបណ្តាញសង្គមបានឃើញថា តើរូបគេកាលនៅពេលក្មេង និងឥឡូវ ខុសគ្នាប៉ុណ្ណា…។
ដូចគ្នានេះផងដែរ តារាចម្រៀងចាស់វស្សា អ្នកនាង សុគន្ធ និសា បានបង្ហោះរូបភាពប៉ុន្មានសន្លឹកកាលពីជាង១០ឆ្នាំមុន នៅលើគណនីបណ្ដាញសង្គមរបស់ខ្លួន ដែលធ្វើឲ្យបណ្ដាអ្នកគាំទ្រ នាំគ្នាលាន់មាត់ ពោលពាក្យលើកសរសើរជាច្រើនថា ពិតជាស្រស់ស្អាត និងសុភាពរាបសារស័ក្តិសមជានារីខ្មែរ ដែលគួរឲ្យស្រឡាញ់ចូលចិត្ត៕
