នេះជាខណៈពេលដ៏មហាស្លុតរន្ធត់ ឃើញហើយស្ទើរគាំងបេះដូវតែម្តង ដែលក្មេងៗប្រុសស្រី៤នាក់ ត្រូវបានប្រទះឃើញឡើងទៅលេងនៅលើដំបូលផ្ទះល្វែងជាន់ទី ៣២ ដ៏ល្ហល្ហេវគ្មានអ្វីការពារសោះឡើយ ស្ថិតនៅភាគនិរតីនៃប្រទេសចិន។
ក្នុងវីដេអូ ដែលត្រូវបានថតនៅក្នុងទីក្រុង Zunyi ខេត្ត Guizhou (ចិន) កាលពីថ្ងៃទី០៧ ខែមិថុនា បានបង្ហាញឲ្យឃើញក្មេងប្រុសស្រី២នាក់ កំពុងប៉ែលប៉ោលនៅលើកំពូលធ្នឹមដំបូល ខណៈ២នាក់ទៀត កំពុងព្យាយាមរំកិលខ្លួនចុះក្រោមបន្តិចម្តងៗមក ដើម្បីចូលក្នុងផ្ទះវិញ។
ក្មេងៗទាំងនេះ ត្រូវបានដឹងថា បានឡើងទៅលេងលើដំបូលផ្ទះនោះ តាមច្រកចេញបន្ទាន់មួយនៃអគារផ្ទះរបស់ពួកគេ ហើយបានលេងនៅលើនោះអស់រយៈពេល ២០ នាទី មុនពេលដែលពលរដ្ឋម្នាក់បានឃើញ និងថតទិដ្ឋភាពដ៏រន្ធត់នេះ។
តែទោះយ៉ាងណា គេពិតជាសប្បាយចិត្តខ្លាំងណាស់ ដែលក្មេងៗទាំងនោះ មិនមានបញ្ហាអ្វី។ ព្រោះថា ប្រសិនបើពួកគេធ្វើខុស ឬ ភ្លាត់តែបន្តិចនោះៗ ពួកគេនឹងត្រូវធ្លាក់តែម្តង៕
